Liderët e G20-ës pritet të publikojnë sot një deklaratë për luftën kundër terrorizmit, gjatë Samitit që po mbahet në resortin bregdetar turk të Antalias. Në fjalën e hapjes së Samitit dyditor, presidenti turk Erdogan dënoi të dielën sulmet në Paris dhe bëri thirrje për "unitet ndërkombëtar".

"Uniteti ndërkombëtar dhe bashkëpunimi janë shumë të rëndësishëm për krizën e refugjatëve dhe pasojat e saj serioze. Nuk mund të them se komuniteti ndërkombëtar nuk ka bërë një punë të mirë në këtë drejtim. Por në nivel global, gjithëpërfshirja dhe drejtësia kanë nevojë të përditësohen."

Presidenti turk u bëri thirrje liderëve të G20-ës të fokusohen në strategjitë e rritjes, gjatë Samitit.

Sesioni i parë i Samitit nisi me një minutë heshtje në nderim të viktimave të sulmeve terroriste në Ankara dhe Paris. (Eda Merepeza)