Presidenti i Kinës Xi Jinping dhe Guvernatori i përgjithshëm i Kanadasë David Johnston kanë shkëmbyer mesazhe urimi me rastin e 45 vjetorit të vendosjes së marrëdhënieve diplomatike midis dy vendeve.

Në mesazhin e kreut të shtetit të Kinës theksohet se gjatë 45 vjetëve marrëdhëniet kino-kanadeze kanë shënuar progres dhe rezultatet e shkëmbimeve në fusha të ndryshme janë të dukshme, ndërsa miqësia midis dy popujve është forcuar. Më tej thuhet se Kina dëshiron nxitjen e marrëdhënieve të partnerit strategjik me përfitim të ndërsjellë.

Nga ana e tij guvernatori Johnston shprehet në mesazh se marrëdhëniet e partnerit strategjik midis Kanadasë dhe Kinës kanë shënuar përparim dhe se janë shtuar shkëmbimet midis dy vendeve. Ai shpreh dëshirën e palës kanadeze për thellimin e mëtejshëm të marrëdhënieve me Kinën.

(Çang Çuo/Eda Merepeza)