Presidenti i Iranit Hassan Rouhani tha se zbatimi fillestar i marrëveshjes bërthamore mes vendit të tij dhe superfuqive botërore do të nisë javën e ardhshme.
Ai shtoi se të gjitha sanksionet ekonomike kundër Iranit do të hiqen brenda 2 muajve.
Parlamenti iranian miratoi të martën një ligj, që lejon qeverinë të zbatojë marrëveshjen bërthamore.
Ligji i ka kaluar për miratim Këshillit të Mbrojtjes prej 12 klerikësh të lartë, të cilët mund t'ua kthejnë ligjvënësve për diskutime të mëtejshme.
Megjithatë, udhëheqësi suprem i Iranit Ayatollah Ali Khamenei, i cili vendos në fund për politikat kyçe, ka thënë se i përket 290 anëtarëve të parlamentit ta miratojnë apo refuzojnë këtë marrëveshje. (Albana)