Kina angazhohet për të ofruar ndihma të tjera humanitare për krizën në Lindjen e Mesme. Këtë e deklaroi zëvendësministri i jashtëm kinez Wang Chao gjatë një konference për shtyp lidhur me vizitën e afërt të presidentit Xi Jinping në Britaninë e Madhe.
Wang tha se Kina do të shpejtojë shpërndarjen e ndihmave humanitare të premtuara për Azinë Perëndimore dhe Afrikën Veriore deri në fund të vitit, si dhe do të ofrojë një ndihmë të re për vendet e rajonit.
Masat e ndihmës pritet të ndihmojnë vendet e Lindjes së Mesme për strehimin e refugjatëve dhe për uljen e fluksit të tyre. Deri tani Kina ka akorduar një ndihmë humanitare me vlerë prej 375 milion juanësh për Lindjen e Mesme. (Eda Merepeza)