Kryeministri i Greqisë Alexis Tsipras prezantoi të hënën programin e politikave, duke u zotuar se do të zbatojë të gjitha reformat e premtuara pas marrjes së paketës së tretë të ndihmës dhënë nga kreditorët e huaj.

Përveç fillimit të negociatave me huadhënësit për reduktimin e borxhit kolosal të Greqisë, apo shtyrjen e afateve të pagesave të tij, Qeveria "Tsipras" synon gjithashtu të përfundojë sa më shpejt rikapitalizimin e bankave dhe të anulojë ligjin për kontrollin e kapitalit.

Kryeministri grek tha se në gjysmën e parë të vitit 2016, ekonomia greke mund të shohë rritje, nëse do të përmbushen qëllimet e qeverisë.

Përtej krizës ekonomike, për krizën e refugjatëve, Tsipras tha se: " duhet të bëjmë çmos për të treguar solidaritet dhe mikpritje, këto nuk janë utopi, por parimet themelore të Bashkimit Evropian." (Fang Xiaoyu)