Të hënën në mbrëmje, afro 45 mijë japonezë u mblodhën para ndërtesës së parlamentit të Japonisë, për të protestuar kundër projektligjit të sigurisë.

Protestuesit kërkuan largimin nga posti të kryeministrit Shinzo Abe dhe shprehur kundërshtimin e vendosur ndaj miratimit të projektligjit të sigurisë në parlament.

Në protestë morën pjesë edhe disa deputetë të opozitës, të cilët theksuan se projektligji i sigurisë është antikushtetutës dhe se askush nuk ka të drejtë të miratojë një projektligj të tillë.

Pas miratimit të projektligjit në dhomën e ulët, çdo ditë para parlamentit japonez janë zhvilluar protesta kundër këtij projektligji.

Të martën dhe të mërkurën në dhomën e lartë do të zhvillohen seanca dëgjimore lidhur me projektligjin e sigurisë, ndërsa të enjten do të zhvillohet votimi për këtë projektligj. Në rast miratimi pritet që të ketë protesta në përmasa edhe më të mëdha. (Jiang Lei)