Autoritetet kineze në Tibet mbrojtën rolin e qeverisë qendrore në sistemin budist tibetian të ringjalljes.

Zyrtari i Partisë Komuniste në Tibet, Norbu Dondup, tha se Dalai Lama nuk mund të ndryshojë të drejtën e qeverisë qendrore për të konfirmuar ringjalljen e re.

Ai shtoi se qeveria i kushton rëndësi të madhe sistemit të ringjalljes, e cila që prej dinastisë Qing është afirmuar dhe rregullohet nga qeveria qendrore.

Rregullorja aktuale në sistemin e ringjalljes është e përshkruar qartë në një dokument të lëshuar nga Administrata Shtetërore e Çështjeve Fetare në vitin 2007.

Zyrtari vendor po i përgjigjej një interviste të Dalai Lama-s të 14 për 'New York Times' i cili thoshte se duket sikur "Partia Komuniste e Kinës pretendon të dijë më shumë për sistemin e ringjalljes se sa vetë Dalai Lama." (Leftion Peristeri)