Ministrat e Brendshëm të Gjermanisë, Francës dhe Britanisë kërkuan të dielën që BE-ja të mbajë një takim të posaçëm për krizën e emigrantëve.
Në deklaratën e përbashkët ata theksuan se para përfundimit të këtij viti, BE-ja duhet të caktojë "pikat e nxehta" të Detit Mesdhe, si Italia, Greqia etj, për marrjen e shenjave të gishtave të emigrantëve, përcaktimin e indentitetit të tyre dhe të ofrojë mbrojtje.
Kancelarja gjermane Angela Merkel tha po të njejtën ditë se vendet e BE-së duhet të marrin më shumë përgjegjësi dhe të bashkëpunojnë me njëra-tjetrën për gjetjen e përgjigjes për këtë krizë.
Sipas të dhënave, në Gjermani këtë vit do të hyjnë 800 mijë emigrantë, 4 herë më shumë se vitin e kaluar.
Kohët e fundit, BE-ja është përballur me një fluks emigrantësh në rritje, me një rekord të ri prej 107 mijë vetash vetëm në korrik. (Fang Xiaoyu)