Policia tajlandeze po zgjeron kërkimet për më shumë të dyshuar për sulmin e mëhershëm në Bangkok. Pas arrestimit të njërit prej tyre, zëdhënësi i policisë Prawuth Thavornsiri tha se autoritetet janë të sigurta se vendoja e bombës është pjesë e një komploti më të madh.
"Këto janë të gjitha provat që kemi mbledhur: AND, të gjitha provat për kalimin kufitar, prova kimike dhe mbetje të bombës. Ne po i vendosim përballë njëra tjetrës të gjitha provat. Sot të gjithë ju (mediat) kërkoni më shumë informacion dhe unë po u jap ato paraprake. Ne duhet të punojmë më shumë mbi hollësitë e sulmit pasi ne jemi të bindur se i arrestuari ishte pjesë e një rrjtei më të madh, nuk ka dyshim për këtë."
Shumë pak hollësi dihen tani për të dyshuarin i cili ndodhet i ndaluar nga policia. Policia po vazhdon ndërkohë hetimet për sulmin e dy javëve të kaluar ku 20 njerëz mbetën të vrarë dhe 120 të tjerë u plagosën. Shtatë midis viktimave janë kinezë. (Leftion Peristeri)