Presidenti grek Prokopis Pavlopoulos emëroi të enjten kryetaren e Gjykatës së Lartë të vendit, Vassiliki Thanou, në postin e kryeministrit të qeverisë teknike.
Gjatë zgjedhjeve të përgjithshme që u zhvilluan në fund të janarit të këtij viti, kryeministri Alekis Tsipras mori një mandat të fortë por pas disa muajsh ai dha dorëheqje për shkak të mos realizimit të premtimeve, kryesisht mbi krizën e borxhit.
Përmbajtja e marrëveshjes së tretë të ndihmës të nënshkruar me borxhmbajtësit bie në kundërshtim me qëndrimin dhe zotimet e partisë Syriza.
Mbi një e katërta e deputetëve të kësaj partie votuan kundër marrëveshjes. Më 20 gusht, kryeministri Alekis Tsipras dha dorëheqjen dhe kërkoi mbajtjen e zgjedhjeve të përgjithshme të parakohshme. (Du/Leftion Peristeri)