Qeveria greke konfirmoi të premten se ka nisur bisedimet me kreditorët ndërkombëtarë për përmbajtjen e marrëveshjes së ndihmës së raundit të tretë me një vlerë prej 86 miliardë euro.

Sipas deklaratës, ministri i Financave Euclid Tsakalotos u takua me kryenegociatorët e katër huadhënësve që përkatësisht janë Komisioni Europian, Banka Qendrore Europiane, FMN dhe Mekanizmi i Stabilitetit Europian. Në takimin e së premtes u diskutua mbi financimin e bankave greke dhe sistemimin e politikave financiare të këtij vendi.

Greqia dëshiron të nënshkruajë marrëveshjen e ndihmës së raundit të tretë para 20 gushtit për të shlyer në kohë kreditë e Bankës Qendrore Europiane. Por, analistët vunë në dukje se divergjencat e mëdha midis pjesëmarrësve të bisedimeve mund të ndikojë negativisht në nënshkrimin në kohë të marrëveshjejes. Ndaj pritet që para marrëveshjes Greqisë ti jepet një kredi kalimtare. (Zhang Yan)