Dhjetëra hektarë pyje, ullishte dhe shkurre janë djegur midis të shtunës dhe të dielës në Shqipërinë Jugore, njoftuan autoritetet të dielën.

Sipas tyre rreth 80 hektarë pyje janë djegur në Drenovë, ndërsa 10 hektarë ullishta janë djegur në Belishovë.

Zjarrfikësit dhe forcat ushtarake kanë punuar gjatë të shtunës në mbrëmje, por nuk arritën të shuanin flakët tërësisht për shkak të erës.

Agim Hoxha, drejtor i Departamentit të Pyjeve tha se puna ishte bërë edhe më të vështirë për shkak të terrenit malor.

Zjarret gjithashtu kërcënojnë puset e naftës në këtë zonë, por raportohet se disa zjarrfikës janë vendosur afër tyre për të parandaluar flakët. (Leftion Peristeri)