Kina thekson shtimin e besimit strategjik reciprok me palën amerikane. Qëndrimi u bë i ditur të enjten në Vjenë nga kryediplomati Wang Yi gjatë takimit me homologun amerikan Jonh Kerry.
Kryediplomati kinez tha se organizimi i suksesshëm i bisedimeve strategjiko-ekonomike dhe dialogu i nivelit të lartë mbi shkëmbimet kulturoro-njerëzore tregoi përsëri se Kina dhe ShBA-ja kanë interesa të përbashkëta në një sferë të gjerë dhe bashkëpunimi mbetet i rëndësishëm në marrëdhëniet dypalëshe. Kina dhe ShBA-ja janë vendi më i madh në zhvillim dhe më i madh i zhvilluar, ndaj nuk është e çuditshme që në marrëdhëniet mes tyre të ketë dallime, tha Wang Yi. Ai shtoi se detyrë kyçe mbetet nxitja e pandërprerë e besimit strategjik reciprok, pakësimi i dyshimeve për të shmangur gjykimet e gabuara.
Ndërsa, John Kerry ndau të njejtin mendim me homologun kinez, duke theksuar se ShBA-ja do të bëjë përpjekje bashkë me palën kineze për të siguruar suksesin dhe rezultate të tjera gjatë vizitës në shtator të kryetarit të shtetit të Kinës Xi Jinping në ShBA. (Zhang Yan)