Udhëheqësit japonezë duhet të veprojnë më shumë në të mirë të paqes dhe qëndrueshmërisë rajonale, u shpreh të premten zëdhënësja e Ministrisë së Jashtme kineze Hua Chunying. Hua i bëri këto komente pas deklaratës së kryeministrit japonez Shinzo Abe se vendi i tij mund t'u jepte mbështetje forcave të huaja në detit e Kinës Jugore.

"Ne shpresojmë se Japonia do të përballet me historinë dhe do të reflektojë mbi të, do të respektojë shqetësimet e sigurisë së fqinjëve të vet aziatikë, do të ndjekë rrugën e zhvillimit paqësor dhe do të bëjë më shumë për të rritur besimin e ndërsjellë me fqinjët e vet," tha zëdhënësja Hua Chunying.

Sipas njoftimeve të së enjtes, Abe është shprehur se nuk e përjashtonte detin e Kinës Jugore si një zonë ku trupat japoneze mund t'u jepnin mbështetje logjistike Shteteve të Bashkuara dhe trupave të tjera të huaja nën një kuadër të ri ligjor të propozuar nga Japonia.

Administrata e Abes po përpiqet të bëjë një valë ndryshimesh në politikën e sigurisë të pasluftës. Parlamenti po debaton projektligje sigurie që do ta zgjerojnë rrezen e operacioneve nga Forcat e Vetëmbrojtjes. (Artan Goga)