"Shumica e vdekjeve kanë ndodhur në shtetet jugore të Andhra Pradeshit dhe Telanganës. Rreth 100 veta kanë vdekur nga goditja nga dielli në Telangana në 24 orët e fundit," tha ai.
Në të dy shtetet janë regjistruar temperature rreth 47 gradë celsius, ndërsa temperatura në kryeqytetin indian ka arritur rreth 45 gradë Celsius.
Viktima janë njoftuar edhe në shtetin perëndimor të Gujarat, tha zyrtari, duke shtuar se shumica e të vdekurve ishin njerëz të pastrehë dhe punëtorë.
Ndërkohë, metereologët parashikojnë se vala e të nxehtit do të vazhdojë deri të dielën.
Autoritetet në të dy shtetet jugore e kanë bërë thirrje njerëzve të mos dalin gjatë orëve të kulmit të të nxehtit, ndërsa zyrtarët e shëndetësisë kanë këshilluar që të pihen sa më shumë lëngje.
