Kryeministri i Serbisë, Aleksandar Vuçiç, nis të mërkurën një vizitë zyrtare dyditore në Shqipëri. Në axhendën e vizitës së tij do të jetë takimi kokë më kokë me homologun Edi Rama, për të vijuar me takimin mes delegacioneve. Mesditën e sotme është parashikuar një konferencë për shtyp e dy kryeministrave.

Gjatë ditës së parë të vizitës në Tiranë kreu i qeverisë serbe do të pritet edhe nga Kryetari i Kuvendit, Ilir Meta, Presidenti Bujar Nishani dhe kryetari i Bashkisë së Tiranës, Lulzim Basha. Jozyrtarisht, bëhet e ditur se kryeministri serb do të shoqërohet në këtë vizitë nga disa anëtarë të kabinetit të tij që kanë lidhje me ekonominë dhe gazetarë të mediave publike.

Vizita e parë e një kryeministri serb në 7 dekada në Shqipëri është komentuar nga mediat e huaja, të cilat e kanë quajtur historike dhe si një mundësi për paqen dhe stabilitetin në rajonin e Ballkanit. (TopChannel)