Rusia vendosi përfundimisht mosblerjen e anijeve sulmuese detare të kategorisë Mistral nga Franca, tha të martën nënkryetari i Komisionit Ushtarak Industrial të Rusisë Oleg Bochkarev.
Sipas agjencisë së lajmeve ITAR-TASS, Bochkarevi tha se Rusia nuk do të blejë nga Franca anijet e sipërpërmendura dhe se të dyja palët po diskutojnë mbi shumën e parave që Franca duhet t'i kthejë Rusisë. Sipas tij, megjithëse këto anije janë përfshirë në planin e mbrojtjes kombëtare, Rusia do t'i ndërtojë anijet e kategorisë Mistral në përputhje me standardet e veta.
Franca dhe Rusia nënshkruan kontratën e blerjes së dy anijeve në vitin 2011 me një vlerë prej 1.2 miliardë eurosh. Sipas kontratës, Franca duhet t'i dorëzonte Rusisë nga një anije në respektivisht në vitin 2014 dhe 2015. (Zhang Yan/Leftion Peristeri)