Ambasadorja e Kinës në Shqipëri Jiang Yu takoi të mërkurën ministren e Mbrojtjes Mimi Kodheli.

Gjatë takimit zonja Kodheli kujtoi vizitën e saj në Kinë në kohën kur ishte zv/kryetare e bashkisë së kryeqytetit. Ajo tha se si Kina dhe Shqipëria ka vuajtur nga sulmet e huaja ushtarake ndaj dhe tani të dy vendet çmojnë paqen dhe propozojnë zgjidhjen e mosmarrëveshjeve në rrugë paqësore.

"Shqipëria dëshiron të kontribuojë së bashku me Kinën për ruajtjen e paqes dhe të stabilitetit rajonal e global," tha Kodheli.

Ambasadorja Jiang u shpreh se kontaktet miqësore midis ushtrive të të dy vendeve kanë forcuar njohjen reciproke. "Kina dëshiron të forcojë shkëmbimet, miqësinë dhe nxitë zhvillimin e gjithanshëm të marrëdhënieve kino-shqiptare nën frymën e hapjes dhe bashkëpunimit konkret," tha Jiang.

Zonja Jiang vuri në dukje gjithashtu rruga e zhvillimit paqësor është vullneti dhe zgjedhja strategjike e Kinës.

"Kina ruan një politikë të jashtme të pavarur paqësore dhe politikë ushtarake mbrojtëse," tha ambasadorja.

Qeveria kineze propozon konceptin e ri të sigurisë mbi bazën e besimit, interesave të ndërsjella dhe barazisë për vendosjen e sigurisë dhe bashkëpunimit. "Kina mbetet mbështetëse e qëndrueshme e paqes botërore," shtoi Jiang.

Si një prej vendeve anëtar të përhershëm të Këshillit të Sigurimeve të OKB-së, Kina ka marrë pjesë aktivisht në operacionet paqeruajtëse.

Deri tani, mbi 30 mijë ushtarë kinezë kanë ndërmarrë 24 operacione paqeruajtëse. (Zhang Yan/Leftion Peristeri)