Presidenti i Kinës Xi Jinping do të vizitojë Rusinë, Kazakistanin dhe Bjellorusinë. Lajmi u bë i ditur nga zëdhënësi i ministrisë së jashtme të Kinës, Lu Kang, i cili tha se turi i kreut kinez të shtetit do të nisë të enjten me vizitën në Kazakistan, i ftuar nga homologu i tij Nursultan Nazarbayev. Ndërsa nga data 8 deri më 10 maj presidenti Xi Jinping, me ftesë të presidentit Vladimir Putin do të marrë pjesë në ceremoninë përkujtimore me rastin e 70 vjetorit të fitores së Luftës së Madhe Patriotike, që zhvillohet në Moskë. Zëdhënësi tha se presidenti Xi, me ftesë të homologut Alexander Lukashenko do të vizitojë Bjellorusinë nga 10-12 maj.(Eda Merepeza)