Ekipi kinez i kërkim-shpëtimit prej 62 specialistësh, si dhe 6 qen ndodhet në kryeqytetin e Nepalit, Katmandu për të kontribuar në situatën e krijuar, pas tërmetit të fuqishëm. Pasditen e së dielës, ekipi kinez i shpëtimit punoi rreth 4 orë për të nxjerrë nga rrënojat një të ri nepalez, në veri perëndim të kryeqytetit. I riu arriti të mbijetonte dhe është jashtë rrezikut për jetën, ndërkohë ekipi kinez u ka shpëtuar jetën dhe 7 nepalezëve të tjerë, të mbetur në rrënojat e ndërtesave të shkatërruara nga tërmeti.
Pjesa më e madhe e specialistëve të ekipit kinez të ndihmës kanë eksperiencë pasi kanë marrë pjesë në operacionet e kërkim-shpëtimit përfshirë tërmetin prej 8 ballësh në Wenchuan në vitin 2008, si dhe në emergjencat e pastërmeteve në Japoni, Haiti dhe Pakistan. (Eda Merepeza)