Qeveria e Hong Kongut prezantoi të mërkurën detaje nga plani për zgjedhjen e guvernatorit të ri në vitin 2017 me votim të përgjithshëm, duke marrë mbështetjen e qeverisë qendrore dhe shumicës së banorëve të rajonit.
Kandidatët për guvernatorin e ardhshëm të Rajonit Special Administrativ do të zgjidhen nga një komitetet i emëruar prej 1200 anëtarësh nga katër sektorë socialë duke marrë në konsideratë dhe 38 nën-sektorë të ngjashme me zgjedhjet e vitit 2012, tha Carrie Lam, shefe e kabinetit të guvernatorit përpara ligjvënësve të Këshillit Legjislativ (LegCo).
Lam e përshkroi votimin e parë të përgjithshëm në historinë e Hong Kongut "jo vetëm një hap të madh përpara për zhvillimin kushtetues të rajonit, por njëherësh një çast historik për vendin."
Shefi ekzekutiv Leung Chun-ying tha të mërkurën se plani është "një gur i rëndësishëm themeli për zhvillimin demokratik të Hong Kongut" ndërsa shtoi se shpreson se shoqëria, përfshirë dhe anëtarët e LegCo-s do ta mbështesin planin.
Qeveria qendrore e mbështet në mënyrë të vazhdueshme përparimin e zhvillimit demokratik të Hong Kongut në një mënyrë progresive dhe në bazë të Ligjit Themelor dhe vendimeve të Komitetit të Përhershëm të Asamblesë Kombëtare Popullore. (Leftion Peristeri)