Qeveria kineze është ankuar zyrtarisht ndaj sulmeve seri kundër interesave të shtetasve kinezë në Afrikën e Jugut.

Një sërë ngjarjesh ndaj kinezëve javët e kaluara janë cilësuar nga pala kineze si dhunë ksenofobe në rritje.

Dhuna në fillim nisi në qytetin e Durbanit dhe më pas u përhap në Johannesburg.

Dhuna është përshkallëzuar për shkak të ankesave në rritje nga vendësit se të huajt po futen ilegalisht në vend dhe janë të përfshirë në tregti të paligjshme.

Është raportuar se të paktën 6 persona janë vrarë si pasojë e dhunës, pjesa më e madhe shtetas të huaj, por nuk është raportuar asnjë rast për shtetas kinez.

Ambasada Kineze dhe Konsullatat në Afrikën e Jugut kanë bërë thirrje për marrjen e masave të menjëhershme dhe efektive për të mbrojtur sigurinë personale dhe të pronës të shtetasve kinezë.

Afrika e Jugut është vendi ku jetojnë 5 milionë imigrantë, sa një e dhjeta e popullsisë së përgjithshme të vendit.