Kina dhe vendet e Europës Qendrore e Lindore (EQL) nisën zyrtarisht eventin njëvjeçar për të promovuar bashkëpunimin dypalësh në fushën e turizmit.
Kryeministri kinez Li Keqiang dhe homologu i tij hungarez Viktor Orban përcollën mesazhe urimi në ceremoninë e hapjes.
Li Jinzao, kreu i Administratës Kombëtare Kineze të Turizmit u shpreh se megjithëse nuk ka shkëmbime turistike në shkallë të gjerë mes Kinës dhe vendeve të Europës Qendrore e Lindore, potenciali i rritjes është i madh.
Ai i nxiti vendet e Europës Qendrore e Lindore të zhvillojnë më tepër produktet e turizmit dhe shërbimet për turistët kinezë, duke shtuar se Kina është e gatshme për të rritur investimet e turzimit reciprok.
Levente Magyar, sekretari hungarez për çështje të Jashtme, tha se numri i turistëve kinezë në Hungari është dyfishuar në 5 vitet e fundit dhe u rrit në 90 mijë në vitin 2014.
Ai shtoi se Kina është bërë vendi me numrin më të lartë të turistëve hungarezë në Azi. (Albana)