Hapet sot (e enjte, 26) Forumi Boao për Azinë, i cili këtë vit pritet të fokusohet tek çështje si Banka Aziatike të Investimeve Infrastrukturore (BAII), nisma "një brez, një rrugë", themelimi i "komunitetit të ASEAN"-it dhe integrimi i ekonomisë së Azisë Lindore.

Forumi që zhvillohet në qytezën piktoreske Boao të provincës Hainan të Kinës, do të përshëndetet me një fjalim nga presidenti kinez Xi Jinping.

Në këtë aktivitet marrin pjesë 16 udhëheqës shtetesh dhe mbi 80 zyrtarë në nivel ministrash.

Zv-kryetari ekzekutiv i Institutit të Forumit Boao për Azinë, Yang Xiyu, njoftoi më herët se takimi i sivjetshëm do të themelojë një nënforum me emrin "komuniteti i ASEAN-it, pika fillestare e integrimit". Ministri

Ministri i Jashtëm i Kinës Wang Yi do të mbajë një fjalim mbi integrimin e vendeve të ASEAN-it. Ndërkohë, ish-kryeministri i Malajzisë Abdullah Ahmad Badawi dhe udhëheqës të tjerë do të bisedojnë për shanset dhe sfidat me të cilat përballet komuniteti i ASEAN-it. (Fang Xiaoyu/Leftion Peristeri)