Kina i ofroi Shteteve të Bashkuara një listë "përparësish" me emrat e zyrtarëve kinezë në arrati që kërkohen nga drejtësia kineze.
Zëdhënësja e Departamentit të Shtetit Jen Psaki, u tha gazetarëve se delegacioni i Kinës ka pranuar të dërgojë tek autoritetet amerikane më shumë prova mbi njerëzit në arrati.
"Ne do të fokusohemi tek gjetja e vendndodhjes së tyre, ndjekja penale dhe dorëzimi i tyre," tha Psaki, duke shtuar se për të ekstraduar të kërkuarit nga drejtësia kineze duhen përmbushur disa kushte.
Në vitin 2014, autoritetet kineze njoftuan se mbi 150 të arratisur, "kryesisht ish-zyrtarë qeverish të akuzuar për korrupsion, fshihen në Shtetet e Bashkuara. (Leftion Peristeri)