Të paktën 33 minatorë dyshohet se kanë humbër jetën pas një shpërthimi në një minierë në rajonin Donetsk, të pushtuar nga forcat separatiste, në lindje të Ukrainës. Kur ndodhi shpërthimi 230 punëtorë ndodheshin nëntokë. Ndërkohë informacionet për numrin e viktimave janë kontradiktore.

Sipas autoriteteve të Kievit zyrtar, një minator ka vdekur dhe 30 të tjerë kanë mbetur të bllokuar në galeritë e minierës. Të tjera raportime bëjnë të ditur se rebelët që kontrollojnë zonën ku ndodhet miniera, në përpjekje për të kërkuar personat e bllokuar i tremben një tjetër shpërthimi. (Eda Merepeza)