Tensionet lidhur me furnizimin me gaz të Ukrainës nga Rusia kanë filluar të përshkallëzohen.

Gjigandi rus i gazit "Gazprom" e ka paralajmëruar Kievin se do të ndërpresë furnizimin me gaz të Ukrainës brenda dy ditëve të ardhshme nëse gazi nuk parapaguhet.

Zëdhënësi i "Gazprom"-it Sergei Kupriyanov shprehet:

"Me nivelet e tanishme të furnizimit, gazi i parapaguar do të zgjasë vetëm deri në fund të javës. Dhe në qoftë se Kievi nuk bën një pagesë të re, ne natyrisht nuk do të jemi në gjendje të vazhdojmë furnizimin me gaz të Ukrainës."

Paralajmërimi ka shtuar shqetësimet në Europë se furnizimi me gaz nga Rusia mund të ndërpritet. (Artani)