Sekretari i përgjithshëm i OKB-së Ban Ki Mun shprehu të enjten nëpërmjet zëdhënësit të vet hidhërimin për viktimat e shumta nga ortekët dhe fatkeqësitë e tjera natyrore në Afganistan.

Në deklaratë, Ban u shpreh ngushëllimet e tij popullit e qeverisë afgane dhe të afërmve të viktimave.

Sipas deklaratës, agjencitë e OKB-së dhe partnerë të tjerë të ndihmës humanitare kanë reaguar shpejt, duke mbështetur qeverinë e Afganistanit, duke ndihmuar të pastrehët dhe duke asistuar familjet e komunitetet e prekura për të përmirësuar aftësinë e përballimit të fatkeqësive.

Kohët e fundit rënia e vazhdueshme e dëborës në lindje të Afganistanit ka shkaktuar ortekë të shumtë. Një zyrtar vendor u shpreh të enjten se numri i viktimave nga ortekët i ka kaluar 200.(Zhang Nan/Artan)