Ushtria izraelite sulmoi objektiva brenda territorit të Sirisë, njoftoi të mërkurën zëdhënësi i Ministrisë së Mbrojtjes i Izraelit.
Zëdhënësi tha se lartësitë Golan të kontrolluar nga ushtria izraelite u sulmuan me raketa nga Siria. Sulmi nuk shkaktoi humbje në jetë njerëzish apo të pasurive, por ushtria izraelite mendon se raketat u lëshuan nga forcat e armatosura të Hezbollahut të Libanit që luftojnë në Siri. "Qeveria siriane duhet të mbajë përgjegjësi për këtë," shtoi zëdhënësi.
Situata mbetet e tensionuar në kufirin midis Izraelit dhe Sirisë, pasi më 18 janar, ushtria izraelite sulmoi nga ajri objektiva brenda Sirisë, duke vrarë anëtarë të Hezbollahut. (Vera/Leftion Peristeri)