Shteti islamik ka hedhur në internet planin e tyre për të vrarë një peng Japonez dhe një pilot Jordanez në më pak se 24 orë. Në mesazh shfaqen sërish kërkesat e tyre për të liruar gruan Irakiane, Sajida al-Rishawi, të dënuar me vdekje nga shteti Jordanez për përfshirjen e saj në sulmin terrorist në 2005, ku mbetën të vrarë 60 persona.
Pengu Japonez, Kenji Goto, u pa për herë të fundit në një video me një burrë Japonez të quajtur Haruna Yakawa, i cili besohet të jetë vrarë nga grupi militant. Menjëherë pas shfaqjes së mesazhit në internet, zyrtarët Japonezë, u mblodhën në një mbledhje urgjente dje në Tokio. Zëdhënësi i qeverisë japoneze, Yasuhide Suga, u shpreh:
" Në një situatë ekstremisht të vështirë, ne mbetemi të vendosur në kërkesën tonë për bashkëpunim me qeverinë jordaneze për të siguruar lirimin e parakohshëm të Z.Goto." (RAELA)