Drejtuesit e Qytetit të Ndaluar në Pekin po diskutojnë për vendosjen e një kufiri prej 80 mijë vizitorësh në ditë në rezidencën 500 vjeçare të perandorëve të Kinës. Kjo masë e re, që do të zbatohet këtë vit synon ruajtjen e koleksioneve të çmuara dhe të arkitekturës muzeale, si dhe parandalimin e fluksit të madh të vizitorëve dhe incidenteve të ndryshme.
Në 3 vitet e fundit Qytetin e Ndaluar e kanë vizituar mbi 15 milion vetë, me rekordin ditor prej 180 mijë vetësh. Ndër masat e reja parashikohet dhe prenotimi i biletave me telefon apo internet, për të ndihmuar stafin në vendosjen e rregullit gjatë vizitave në muze. (Eda Merepeza)
[foto nga Quanjingsucai]