Kryeministri kinez Li Keqiang ka kryesuar një mbledhje me ekspertë dhe drejtues të biznesit për të kërkuar opinionet e tyre lidhur me raportin qeveritar që do të bëhet i njohur zyrtarisht në mars. Në mbledhje morën pjesë specialistë nga universitetet, institucionet kërkimore dhe financiare, drejtues të biznesit nga fusha të ndryshme, duke përfshirë internetin, teknologjinë e informacionit dhe të kapitaleve. Analistët kanë sugjeruar qeverinë ti japë më shumë energji reformave strukturore dhe të rritë efikasitetin nëpërmjet rritjes së sektorit industrial.
Nga ana e tij kryeministri Li theksoi se qeveria duhet të përfitojë nga rregullimi strukturor dhe forca e tregut, duke i shndërruar këto dy burime në motorë të rritjes ekonomike.
Kreu i qeverisë theksoi se gjatë këtij viti do të shtohen përpjekjet për thellimin e reformave në sistemin financiar dhe monetar, në forcimin e ekonomisë reale, promovimin e novacionit, përmirësimin e mirëqenies së qytetarëve dhe parandalimin e rreziqeve në ekonomi dhe financa.(Eda Merepeza)