Ministri i Transportit dhe Infrastrukturës, Edmond Haxhinasto garantoi mbështetje maksimale për zhvillimin e mëtejshëm të transportit detar në Shqipëri, njofton ATSH.

Në analizën vjetore të 2014-ës dhe synimet për transportin detar në 2015-ën, Haxhinasto e konsideroi vitin e kaluar si të suksesshëm në këtë fushë.

"Kapaciteti shfrytëzues i porteve aktualisht është 60%, por duhen rritur më tej të ardhurat. Kërkoj një planifikim më të mirë për koordinimin e kapaciteteve portuale, pasi Shqipëria është porta hyrëse në korridorin 8", deklaroi ministri. (Raela)