Presidenti i Kinës Xi Jinping u takua me kryeekzekutivin e Rajonit të Posaçëm Administrativ të Hong-Kongut Leung Chunying, i cili ndodhet në Makao për të marrë pjesë në ceremoninë të 15 vjetorit të ribashkimit me Kinën.

Xi u shpreh se, kohët e fundit kreu i ekzekutivit, qeveria dhe policia e Rajonit mbajtën përgjegjesinë dhe përmirësuan situatën në Hong Kong.

"Qeverisja qendrore ka besim të plotë te ju dhe te qeverisja e Rajonit të Posaçëm. Zhvillimi i sistemit politik të Rajonit të Posaçëm Administrativ të Hong Kong-ut duhet të përshtatet me realitetin e tij, në përputhje me parimin "një shtet, dy sisteme" dhe ligjin bazë të Rajonit. Shpresojmë që qeveria hongkongase do të vazhdojë të trajtojë siç duhet çeshtjen e zhvillimit të sistemit politik të Hongkong-ut dhe qeverisja qendrore do të mbështesë punën tuaj", u shpreh presidenti Xi.

Nga ana e tij Leung falenderoi kreun e shtetit Xi për inkuajimin dhe mbështetjen për Hong Kong-un. Ai u shpreh se qeveria e Hong Kong-ut do të vazhdojë përpjekjet, për të nxitur zhvillimin demokratik dhe për të mbrojtur lulëzimin e stabilitetin e afatgjatë të Rajonit.