Qeveria kineze dhe ajo tajlandeze do të nënshkruajnë një marrëveshje të re bashkëpunimi në sektorin hekurudhor. Kjo pritet të realizohet gjatë vizitës në Tajlandë të kryeministrit kinez Li Keqiang, si pjesë e planit të gjerë të qeverisë kineze për promovimin e bashkëpunimit rajonal. Marrëveshja parasheh që Kina të investojë në linjën hekurudhore që lidh verilindjen e Tajlandës me Bangkokun si dhe qytetin port Rayong me jugun e Bangkokut. Të dyja linjat hekurudhore, me një gjatësi të përgjithëshme prej 870 km do të lidhen në të ardhmen me sistemin hekurudhor Kinë-Laos.
Projekti ka një vlerë prej 10.6 miliard dollarë amerikanë. Trenat e kësaj linje hekurudhore pritet të rritin 3 herë shpejtësinë, krahasuar me atë aktuale. Krahas projektit hekurudhor, pritet që kryeministri kinez Li Keqiang të nënshkruajë me palën tajlandeze një numër marrëveshjesh në fushën e bujqësisë. (Eda Merepeza)