Kryeekzekutivi i Rajonit të Posaçëm Administrativ të Hong-Kongut Leung Chunying u shpreh të martën se qeveria e Hong-Kongut do të zhvillojë sa më shpejt raundin e ri të dëgjimit të mendimeve të publikut mbi reformën politike.

Leung i tha këto në ceremoninë e 60-vjetorit të krijimit të Shoqatës së Gazetarisë të Hong-Kongut. Ai theksoi se do të bëhen të gjitha përpjekjet për miratimin e projektit të reformës politike nga 2/3 e parlamentarëve, në mënyrë që të realizohet votimi i përgjithshëm për zgjedhjen e kryeekzekutivit në vitin 2017.

"Në fakt, në vendimin e 31 gushtit të këtij viti të Komitetit të Përhershëm të Asamblesë Kombëtare Popullore të Kinës përvijohet qartë projekti i votimit të përgjithshëm për zgjedhjen e kryeekzekutivit dhe përcaktohet zyrtarisht se në Hong-Kong mund të zhvillohet votimi për zgjedhjen e kryeekzekutivit me pjesëmarrjen e të gjithë qytetarëve," shtoi Leung.

Kryeekzekutivi i Kong-Kongut shprehu edhe falënderime për medien, duke thënë se nëpërmjet punës së saj, publiku në Hong-Kong u njoh me zhvillimet e fundit të lëvizjes "Pushto qendrën", që u mbyll plotësisht të hënën. (Wang Lei/Artani)