Në të njejtën ditë Liu Xiaoming u takua me sekretarin e Financave të Hong-Kongut John Tsang, që po viziton Londrën.
Ambasadori kinez tha se i ka paraqitur qeverisë britanike qëndrimin e Kinës, duke e nxitur të jetë e përmbajtur në fjalë dhe veprime dhe të mos ndërhyjë në punët e brendshme të Hong-Kongut dhe të Kinës. "Pala kineze, i shpreh Parlamentit britanik kundërshtimin e saj për të ashtuquajturat 'interpelancë' mbi Hong-Kongun dhe 'hetim' në Hong-Kong, të nisur nga Komisioni i Punëve të Jashtme të Dhomës së Ulët të këtij parlamenti, " theksoi ambasadori Liu.
Nga ana e tij, ministri i financave të Hong-Kongut , John Tsang tha se nga vizita e tij në Evropë rezulton se përfaqësuesit e qarqeve tregtare e industriale evropiane nuk janë dakord me lëvizjen e paligjshme "Pushtimi i Qendrës" dhe shpresojnë që Hong-Kongu të ruajë qëndrueshmërinë dhe përparimin, duke shprehur dëshirën për marrëdhënie të mëtejshme ekonomiko-tregtare me Hong-Kongun, përmes të cilit të depërtojnë edhe në tregun e krahinave të brendshme të Kinës dhe në atë aziatik. (Wang Lei)
