Në një intervistë dhënë ditët e fundit për revistën angleze "Parliament Magazine", ambasadori i Kinës në Britaninë e Madhe Liu Xiaoming, u shpreh se midis dy vendeve është nënshkruar memorandumi i mirëkuptimit mbi forcimin e bashkëpunimit të energjisë bërthamore civile, si dhe memorandumi i bashkëpunimit në sektorin hekurudhor dhe rrugor". Sipas tij përfaqësues të të dy vendeve po zhvillojnë bisedime aktive lidhur me këtë, duke qartësuar kornizën e politikës së bashkëpunimit.
Foto: 高林 / 东方IC
Lidhur me zhvillimin e tregtisë me monedhën Renminbi në Londër, Liu Xiaoming tha se që nga vitit 2011, kur nisi dialogu financiar kino-anglez tregtia me Renminbi ka arritur suksese të mëdha. Kohët e fundit qeveria angleze ka nxjerrë në treg obligacione prej 3 miliardë juanësh, duke u bërë qeveria e parë e huaj që nxjerr bono në RMB ,ndërsa monedha kineze është pjesë e rezervës monetare kombëtare të Britanisë së Madhe. (Vera)