Qeveria britanike duhet të respektojë qëndrimin e Pekinit dhe të mos ndërhyjë në çështjet e brendshme të Hong-Kongut e të Kinës, u shpreh në një intervistë të botuar të premten në revistën "The Parliament Magazine" ambasadori kinez në Britani Liu Xiaoming.

Duke shprehur opinionet e tij për lëvizjen "Occupy" në Hong-Kong, Liu Xiaoming tha se qysh nga fundi i shtatorit, disa qytetarë hongkongas kanë bllokuar artieriet kryesore të transportit, u kanë rezistuar forcave të zbatimit të ligjit dhe kanë dëmtuar seriozisht rendin shoqëror. Sipas tij, nëse nuk frenohet kjo lëvizje, do të pengohet zhvillimi i demokracisë. Liu shtoi se menaxhimi sipas ligjit i veprimeve të paligjshme të lëvizjes "Occupy" dhe ruajtja e qëndrueshmërisë shoqërore në Hong-Kong janë në përputhje me shpresat e shumicës së qytetarëve hongkongas dhe me interesat thelbësore të vendeve të ndryshme, ku përfshihet Britania.

Ambasadori kinez në Britani Liu Xiaoming theksoi po ashtu se Hong-Kongu është një rajon i posaçëm administrativ i Kinës dhe çështjet e Hong-Kongut janë çështje të brendshme të Kinës, prandaj qeveritë ose individët e huaj nuk kanë të drejtë të ndërhyjnë në to. Liu shprehu shpresën që qeveria dhe parlamenti britanik do ta kuptojnë e respektojnë qëndrimin e Kinës dhe nuk do të përkrahin veprimet e paligjshme të lëvizjes "Occupy". (Xu Guang/Artani)