Ushtria siriane ka rimarrë të enjten nën kontroll pjesën më të madhe të qytezës strategjike Mork në provincën qendrore të Hamas, pas luftimeve me grupet e armatosura militante, njoftoi Televizioni kombëtar i Sirisë. Sulmi është pjesë e ofensivës së forcave qeveritare siriane për të shpërngulur rebelët nga pjesa veriore e Hamas.
Një zyrtar i ushtrisë u shpreh se operacioni ka për qëllim mbrojtjen e qytetit Hama dhe qytezës Muhardeh, ku ka një central të rëndësishëm elektrik.
Operacioni gjithashtu synon të parandalojë zgjerimin e pranisë së rebelëve në bregdetin sirian ose në rrugën ndërkombëtare që lidh pjesën jugore të vendit me zonat bregdetare dhe veriore. (Artani)