Sekretari amerikan i Mbrojtjes Chuck Hagel i shprehu të enjten mbështetjen e Shteteve të Bashkuara për Irakun për të luftuar Shtetin Islamik, ministrit të sapo emëruar irakian të Mbrojtjes Khaled al Obeidi.
Sipas një deklarate të Pentagonit, Hagel-i nënvizoi rëndësinë e rindërtimit të forcave irakiane të sigurisë në atë mënyrë që mund të krijojë besim tek forcat e armatosura dhe populli irakian.
"Ministri irakian ishte i qartë dhe i vendosur për të vazhduar ofensivën kundër Shtetit Islamik dhe shprehu besimin për ristrukturimin dhe stërvitjen e trupave," tha zëdhënësi i Pentagonit John Kirby në një deklaratë.
Kirby shtoi se ministri Obeidi shprehu vlerësimin e tij për dërgimin e këshilltarëve ushtarake dhe sulmet ajrore. (Leftion Peristeri)