Sekretari amerikan i Mbrojtjes Chuck Hagel i telefonoi të mërkurën ministres italiane të mbrojtjes Roberta Pinotti, për të diskutuar kontributin e planifikuar të Italisë në luftën kundër forcave Shtetit Islamik.
Sipas zëdhënësit John Kirby, Hagel i telefonoi zonjës Pinotti për ta falënderuar për kontributin e Italisë në koalicionin kundër organizatës terroriste.
Hagel e falënderoi Italinë për kontributet e saj, duke thënë se Komanda Qendrore amerikane do të punojë me komandantët ushtarakë të Italisë për të përcaktuar mënyrën më të mirë për të integruar kontributin e Italisë në përpjekjet e përgjithshme, tha Kirby.
Të dy udhëheqësit u zotuan për të qëndruar në kontakt për të vazhduar dialogun dhe bashkëpunim, shtoi zëdhënësi.
(Leftion Peristeri)