Shefja e misioneve humanitare e Kombeve të Bashkuara, Valerie Amos i bëri thirrje komunitetit ndërkombëtar të hënën "të kujtojë vuajtjet e popullit sirian dhe të veprojë," u tha gazetarëve zëdhënësi i OKB-së Stephane Dujarriç.
Amos, e cila është koordinatorja e OKB-së për emergjencat, takoi të dielën sirianët e shpërngulur në qendrën transitore Yibo në Suruc të Turqisë Jugore.
Kampi strehon afro pesë mijë refugjatë, gjysma e të cilëve janë fëmijë nga Siria. Amos tha gjatë një konference për shtyp të hënën në Ankara se refugjatët duhen strehuar dhe ndihmuar më tej.
Turqia është një nga vendet kufitare të Sirisë e cila priti një numër të konsiderueshëm refugjatësh, të cilët u larguan nga konflikti në Lindjes e Mesme pas shpërthimit të krizës politike në mars 2011. Refugjatët po strehohen gjithashtu në Jordani, Liban dhe Irak. (Leftion Peristeri)