Deputetët e Partisë Demokratike Shqiptare të Maqedonisë u kthyen zyrtarisht të hënën në parlament pas një konflikti të dhunshëm me një tjetër parti etnike shqiptare gushtin e kaluar.
Në atë kohë një përleshje shpërtheu midis deputetëve të Partisë Demokratike në opozitë dhe Bashkimit Demokratik për Integrim që është pjesë e koalicionit qeverisës, kur diskutohej projektbuxheti i vitit 2015.
Deputetët e të dy krahëve akuzuan njëri tjetrin për dobësi në mbrojtjen e interesave të komunitetit etnik shqiptar të Maqedonisë, i cili përbën çerekun e popullsisë së vendit. Pas incidentit Partia Demokratike e braktisi parlamentin.
Partia në pushtetet e Maqedonisë VMRO-DPMNE, e mirëpriti kthimin e deputetëve në parlament, duke thënë se dialogu ishte i pamundur pa opozitën. (Leftion Peristeri)