Qeveria e Hong Kongut zhvillon të martën bisedimet e para formale me studentët, pjesëmarrës të lëvizjes "Pushtimi i Qendrës", që nga 28 shtatori. Pjesëmarrësit në takim janë pesë përfaqësues të qeverisë dhe 5 përfaqësues të organizatës së studentëve, të cilët prej 23 ditësh janë pjesë e lëvizjes "Pushtimi i Qendrës". Takimi i kryesuar nga rektori i Universitetit të Lingnan-it, Leonard Cheng zhvillohet në Akademinë e Mjekësisë në Hong Kong, ku të dyja palët do të shkëmbejnë mendime dhe do të diskutojnë për reformën konstitucionale, duke përfshirë dhe çeshtjen e zgjedhjes së liderit të ardhshëm të rajonit, në votimin e përgjithshëm në vitin 2017.(Eda Merepeza)