Presidenti në largim i Komisionit Europian Jose Manuel Barroso u shpreh të dielën në Londër që dalja e mundshme e Britanisë nga Bashkimi Europian do ta pakësojë ndikimin e saj dhe do t'ia heqë plotësisht Londrës të drejtën e fjalës për çështjes europiane.
Në një intervistë për BBC-në, Barroso theksoi që, pa përkrahjen e BE-së, Britania nuk mund të negociojë në kushte të barabarta me ShBA-në, Kinën dhe vende të tjera të mëdha.
Vitet e fundit është rritur pakënaqësia e britanikëve me BE-në. Kryeministri David Cameron është shprehur që, nëse Partia Konservatore që ai drejton do të fitojë në zgjedhjet e vitit 2015, ai do të nxitë mbajtjen e referendumit lidhur me qëndrimin ose jo të Britanisë në BE. (Fang Xiaoyu/Artani)