Kryeministri kinez Li Keqiang mbërriti të enjten në Gjermani, duke filluar turneun e tij njëjavor europian.

Në fjalën e tij pas mbërritjes, kryeministri Li u shpreh se ai po pret hartimin e planeve të bashkëpunimit në fushat e novacionit, ekonomisë dhe tregtisë me udhëheqësit gjermanë.

Kompanitë e dy vendeve pritet të nënshkruajnë një numër marrëveshjesh bashkëpunimi në industrinë e automjeteve, të energjisë së pastër dhe komunikacionit të lëvizshëm.

Li Keqiang-u do të bashkëdrejtojë me homologen e tij gjermane Angela Merkel panelin e konsultimeve qeveritare Kinë-Gjermani. Gjatë qëndrimit në Gjermani kreu i qeverisë kineze do të mbajë gjithashtu fjalime në dy forume.

Kjo është vizita e dytë e Li Keqiang-ut në Gjermani që prej marrjes së postit të kryeministrit vitin e kaluar.

Pas vizitës treditore në Gjermani, Li do të shkojë në Rusi dhe Itali. (Xu Guang/Artani)