Numri i viktimave si pasojë e shpërthimit të gazit në një restorant në qytetin Xiamen ka arritur në pesë, njoftuan të premten autoritetet lokale.

Raportohet se në mesin e viktimave janë 4 burra dhe një grua. Gjithashtu janë regjistruar 16 të plagosur, 10 prej të cilëve në gjendje serioze për jetën. Shpërthimi ndodhi rreth mesditës në një restorant në distriktin Huli, të qytetit Xiamen, në provincën Fujian.

Nga hetimet paraprake ka rezultuar se shkak i këtij aksidenti besohet të jetë shpërthimi i një bombole gazi. (Albana)