Rezervimet për udhëtime me tren në Kinë janë rritur dhe hekurudha e vendit pret një rekord në numrin e pasagjerëve për Festën Kombëtare që nis më 1 tetor.

Korporata kineze e Hekurudhave bëri të ditur të premten se biletat për udhëtim me tren gjatë pushimeve ishin në dispozicion për rezervim që prej 9 shtatorit. Deri më 18 shtator, janë shitur mbi 85.6 milionë bileta, një rritje 13.3 për qind nga viti në vit. 

Vetëm të enjten, u regjistruan rreth 10.4 milionë rezervime biletash, duke shënuar rekordin më të lartë të shitjeve ditore, njoftoi korporata.

Shitjet online të biletave janë shndërruar në zgjedhjen e parë të pasagjerëve, me një total prej 44.6 milionë bileta të shitura nga 9 deri më 18 shtator, duke shënuar 52 për qind të të gjitha shitjeve.