Dy vendet përcaktuan objektiva të hollësishme në deklaratën e përbashkët të publikuar në ditën e fundit të vizitës së kreut të Shtetit të Kinës Xi Jinping në vendin fqinj.
Kina do të ndërtojë 2 parqe industriale në Indinë perëndimore dhe do të shtojë investimet në industrinë indiane dhe projektet infrastrukturore me 20 miliardë dollarë amerikanë në 5 vitet e ardhshme.
India, nga ana e saj mirëpret investimet kineze në projektet e manifakturës dhe të infrastrukturës.
Të dyja palët u zotuan se do të lehtësojnë investimet dhe operacionet e kompanive në treg si dhe do të punojnë së bashku për forcimin e partneritetit tregtar.
Dy vendet fqinje theksuan gjithashtu "tolerancë zero" ndaj terrorizmit të të gjitha formave, si dhe u zotuan se do të bashkëpunojnë për goditjen e tij.
India ishte ndalesa e fundit e turit të Xi-së në 4 vende të Azisë Qendrore dhe Jugore. Ai zhvilloi gjithashtu vizita në Taxhikistan, Maldive dhe Sri Lanka. Në Taxhikistan, ai mori pjesë gjithashtu në samitin e Organizatës së Bashkëpunimit të Shangait. (Albana)
